Kyo hai Ye - Neha Sahu

- April 22, 2018

Kyo Hai Ye
Neha Sahu
Baatien Kuch Ankahi Si

Poem Collection

Bhoolne ki aadat to mujhe bhi bhut hai,
Par na jane kyo tumse judi har baat yaad rehti hai.

Yu to koi rishta nahi hai humare beech,
Par na jane kyo, kisi dor me bandhe hone ki aahat si rehti hai.

Jaanti hu, kyo mera baatien karna accha lagta hai,
Par na jane kyo, kuch baaton me khamoshi acchi lagti hai.

Jaanti hu jab tum itne sawaal karte ho,

Aur wo mera khamosh reh jana.

Tumhe bhi pata hoga ke har jawab hai mere paas,
Par na jane kyo, kuch sawalo par humari khamoshi acchi lagti hai.

Jab pehli baar baat ki thi tumse,
Tab nahi jana tha, Ke itni baatien karungi.

Par ab uss waqt ka intzaar rehta hai,
jab tum mujhe suno.

Kya tum ye jaante ho ke kyo itna sunte ho mujhe?
Khair chodo tumse nahi hoga.

Main nahi chahiti, ke tumhari majburi bane mujhse baat karna.
Main tumhari chahat ban kar rehna chahti hu.

Jaante ho udasi pasand nahi tumhare chehre par mujhe,
Ho jati hu pareshan tumhe yu dekh kar.

Phir na jane kyo, tumhari muskurahat ki wajah banna chahti hu.

Khaas lamhe hai wo, jinme hum sath the,

Dil na sahi magar ehsaas bhut pass the.

Samajhte hum dono hai uss ehsaas ko,
Lekin main ye rishta adhura hi chahti hu.

Ab iss baar phir mat puchna, kyo?
Kuch Pal main khamosh rehna chahti hu.

Kuch tumhara waqt aur tumhara sath chahti hu.

Written by
Neha Sahu
Baatien Kuch Ankahi Si