.. Aur Fir Tum Badal Jaoge

.. Aur Fir Tum Badal Jaoge - Neha Sahu

- February 20, 2019

. .. Aur Fir Tum Badal Jaoge

- Neha Sahu

www.facebook.com/BaatienKuchAnkahiSi
Baatien Kuch Ankahi Si | UnspokenWords

>> Check the Poem Collection Here <<

Ek din ayega jab tumhare mere beech koi duri na hogi,

Mere sapno ki bandhi tumse dori hogi.

Har raah ka safar hum saath guzarenge,

Aur Fir, Ek Din Tum Badal Jaoge.

Ye main yu hi nahi kehti, tum bhi ise aazmana,

Jab zamana hoga saamne aur sath mere tum muskurana.

Ek pal mein hi na hakikat tum apni mujhe bataoge,

Ek din aayega aur tum badal jaoge.

Waade bhi honge, Pura na karne ke irade bhi honge.

Dhundli si roshni me kai khwab suhane bhi honge.

Unhi khawabo ka wasta dekar tum sach se mukar jaoge,
Ek din aayega aur tum badal jaoge.

Acchi aur buri meri har chahat sunoge,
Pura karne ki unhe har aazmisah karoge.

Fir ek halke se tehrav se tum tahar jaoge,
Aur ek din aayega Jab Tum Badal Jaoge.

Lambi ho ya choti meri zindagi sirf tumhari hogi
Har raah main tum mujhe chuno bas itni si khawaish hogi.

Jaanti hu kuch jhonke hawa ke aayenge,
Dheere se tumhe mujhse dur le jayenge,
.. Aur Fir uss din Tum Badal Jaoge ..

Har raah ka safar hum saath guzarenge,

Aur Fir, Ek Din Tum Badal Jaoge.

- Neha Sahu